Сез дә шулай өзелеп сөясезме
Күңелегез сөйгән кешене?
Шулкадәрле дөнья якты миңа,
Θнемме бу, әллә төшемме?
Нурлар балкып торган төсе дә бит,
Тавышы да якты күңелгә,
Сөеп караулары миңа аның
Яшәү дәрте бирә
гомергә.
Күңелемдә шундый сөю булгач,
Бөтен дөнья нурлы күренә,
Кешеләрнең барсын кочар идем
Менәр идем күкләр
түренә.
Мондый чиксез сөю тойгылары
Син булганга гына була бит.
Аяк баскан саен теләк телим:
Гомерлеккә шулай булсын, дип.