8 nçe may könne Qanğa awılınıñ mäçetendä zur tantana ütkärelde. Anda mäçetneñ 10 yıllıq yübileye buldı. Biredä Ästerxan ölkäse Nariman rayonınıñ munitsipäl belem alu citäkçese V.P. Skworsov,    Ästerxan   Däwlät dumasınıñ deputatı O. V. Şeyn , «Duslıq» cämğıyateneñ räise Almayıv A.İ., awıl sowetınıñ başlığı D. A. Qadırov häm başqa mäçetlärdän wä awıllardan kilgän xalıq täbrik süzlären äyttelär.

Tantana mäçet qarşındağı şatyorda buldı. Qanğa awılınıñ bik küp qartları häm yäşläre kildelär. Skworsov efände üzeneñ yärdäm  itüen belderde häm mäçetkä  xalıq arasında Duslıq häm Milli qardäşlek tärbiälärgä kiräklegen äytte.

Rästäm xäzrät kilgän xalıq qarşında Mäskäwdän Muftiy Şeyxınnan Rawil Ğaynutdinnan häm Ä.Xabibullina Qazannan Tatarstan respublikınıñ muftiennan Ğusman xäzrättän täbrik süzlären   äyttelär.

Bu süzlärdän soñ böten qunaqlar belän bergä Rästäm xäzrät bäyräm namazın uqıdı.

Qotlaw süzlärennän soñ barça xalıqqa aş – su täğdim itelde. Bik tämle törle bäleşlärne, pärämäçlärne, pılawnı R. Ğaynutdinowa , R.İbrağimowa , Z. Axmedowa, S. häm M.Abdul'manowalar, G. Ramazanowa armıy – talmıy  öç kön eçendä xäzerlädelär.Aşamlıqları bik tämle bulıp çıqtılar.

Säğät öçtä Qanğa awılınıñ klubında zur konsert buldı. Biredä törle ansambl'lär : «Yalqın», «Nur», «Yılmayu»- üzläreneñ cır- biyüläre belän şaq qaldırdılar. Ä Qazannan kilgän artistlar:Ä. Xabibullina, S. Sabirowa häm N. Muxamedjan şayan süzläre häm matur cırlawları belän böten tıñlawçılarnı köyenderdelär. Konsert waqıtında berniçä xatın zaldan çığıp kittelär.Bez uyladıq: «Qaya kittelär bolar, konsert bit äle betmäde !» Ä alar barıp rozalar, siren buqetları alıp kildelär. Şul çäçäklärne Qazan artistlarına birdelär.N. Möxämedjan berniçä borınğı tatar xalqınıñ cırların cırlap, tıñlawçılarnıñ küzlärendä yäş çığardı. Nuräxmät konserttan soñ bezgä äytte: « Sezneñ awıl qartları konserta bik küp idelär. Min alar öçen «Ex, almağaçlarım», «Ğafu itärsez miêän?» cırlarımnı başqardım»,- dide.

Bu mäcleskä kilgän xalıq tantananı ozaq  onıtmas.

 D.Raximowa häm X.Xamzyayıwa –peduçilişçe uquçıları