Без - игезәк

Игезәкләрне күргәнегез бармы?

Табигатьнең гаҗәп халәте.

Шуны тоюың да шатлык икән,

Әйтерсең лә дөнья җәннәте!

Без дә бу дөньяда игезәк

Мин - Риф булам, ә ул Рифлизә.

Аның белән бергә булмаганда

Һәр сулышын йөрәгем сизә.

Чит җирләрдә аерым торганда да

Һәрчак тоеп торды йөрәгем.

Табигатем үзе белгәндер бит,

Θзелеп сагынырга кирәген.

Мин бәхетле - дөнья матурлыкка

Мин бәхетле - икәү булганга.

Гомерем минем тагы тулы булыр

Бу дөньяда син сау булганда.

Язмышымда - син нурлы йолдыз

Син булмасаң мин соң нишләрмен?

Якты йолдыз кебек син яктырсаң,

Мин дә шуны тоеп яшәрмен.

сайтка

 

 

 

Hosted by uCoz