Әстерхан өлкәсенең татар гаҗитәсе

“Идел”

__________________________________________________________________________________________________________________________

· Эчтәлеккә

«Әниләр һәм бәбиләр»

4 нче февральда татар халык драма һәм комедия театрында Т.Миңнуллинның «Әниләр һәм бәбиләр»дигән драмасы куелды. Бу драманы артистлар өлкә методик милли мәдәният үзәк эшчеләре (Никитина Н.И.; Гусейнова Т.Р.; Муравьёва Н.П) һәм «Дуслык» җәмгыятенең рәисе ( Алмаев А И) каршында тамашачыларга күрсәттеләр. Эчтәлеге буенча бу драма яшь буыннар өчен бик зур әһәмият бирә, чөнки биредә актуаль мәсьәләләр чишелә: гаилә, әниләр һәм балалар темасы чишелә. Элек – электән татар гаиләләре күп балалы булган.

Эш балалар тудыру йортында була. Θч хатын: Алтынчәч (казах хатыны - артистка Мухамедшаева С.), Гөлфинә (татар хатыны 12 нче бала таба – артистка Гайнутдинова Н.), Валентина (рус хатыны - артистка Картавая Ф.) һәм Дилема (яшь студентка- артистка Сулейманова А.) – бала табалар. Шуларның өчесе өчен – бала яратып, өзелеп көтелгән бала, алар балалары турында кайгырталар. Алтынчәч (ул балалар бакчасында тәрбияче булып эшләгәнгә күрә) татарча да, казахча да балаларга багышлап матур җырлар җырлый; Валентина баласына: «Дорогой, Соколик ты мой!» - дип дәшә. Ә менә Дилемма – баласын яратмый, имезми,олы корсаклы буласым килми, күкрәкләрем авырта дип табибны алдалый. Аның ире дә хатыны кебек. Бала аларга «мешает жить» диләр. Кайнаналар да (Р. Ахмеджанова һәм Х.Екшикеева) баланы алып үстерергә теләмиләр, чөнки берсе – кызын, икенчесе – малаен тормыш корырга өйрәтмәгәннәр. Драмада Садыкова Надия - баласыз ана ролен уйный. Аның уйнавында шул кадәр сагыш, баланы ярату, аның өчен бар нәрсәсен бирү күренә ки, драманы караучыларның күзләре яшь белән тула, йөрәкләре дулкынлана….

Ә драманың ничек бетүе турында сез театрга килгәч белерсез. Гаилә мәсьәләсен Т.Миңнуллин бик яхшы чишә. Мин сезгә бу драманы зур

игътибар белән карарга тәгъдим итәм.

Д. Бурнаш